Chup-chap chal

Ai mere dil chupchaap haath thaam ke chal
Bhool gaya jis din tune mera daaman choda
bhaaga, kuda, bhatka, dauda
Hua vahi jiska dar tha,
kisi ne toda kisi ne maroda
Ab chupchaap haath thaam ke chal..
kaun si bhasha me samjhaun yede, 

yeh raste hamesha se tedhe,
Tu saale jayega fisal,
khabardaar...  ab haath thaam ke chal
Kanch ki banavat teri, fitrat hai mom si
Itrata aise jaise kichad me kamal
Tujhe saaf rakne me dum jata hai nikal...
Muh pe ungli, aankh kaan band chupchaap chal
Beta maya ke mele hain, masti bhare jhule hain,

mast mast khilone hain, chehre salone hain
Muh ki khayega gar yahan bhichad jayega
Kas ke ungli pakad, aur chal
Kyon dimaag se pange leta hai
Ek umar ek sharir se ho tum dono,
Maan le tujhse sayana hai vo
Jannat ki haqiqat se vaakif hai vo
Par mere sher uspe koi na likhta ghazal.
Chup chaap haath thaam aur chal.

Chanda mama Kehte hain use

Roz mujhe daftar se lene aata hai
Aur ghar tak chod kar
jab tak main so na jaun..
Vahin data rehta hai..
Nihaarta rehta hai
Lagta hai maa ne
zimmedari saunpi hai ise,
chanda mama yunhi to
nahi bulate na use...

Mahine me ek baar chutti leta hai bas!
Thak jaata hai,
feeka pad jaata hai,
Aadha hi reh jaata hai...
Fir bhi duty pe laga rehta hai
Rakhi ka farz nibha raha hai shayad

Tum jao mama,
aaj mujhe der hogi
Doston ke saath
prograam hai aaj
Chinta mat karo
bada ho gaya hunh ab main
.... Sunta hi nahi, mere se pehle
Maa ka ladla jo hai...
Theek hai..

Gar koi saath de Na de
Yeh mujhko hai yakeen
Aakhri dum tak roz
yeh aise hi mujhe ghar tak
chod kar aayega..
Jab rooh jism se niklegi
Tab use bhi ghar chod kar aayega.

Ab jao bhi ....
bahot raat ho chali hai
Bewafa sitaron ke chakkar me na pado, Yeh aaj hain kal nahi
Der ho gayee to suraj ke gusse se
Tumhe kaun bachayega
Dharti ki aad loge to
Bekaar ka grahan lag jayega
Chalo ab zid na karo
Bahot se bachche bhooke hain
Unhe lori sunao...
Unki roti ki daru pee kar aaya hai unka baap, Unhe sulao
Varna aaj fir vo apni maa ko pit-te dekhenge

Aaj to Mujhe baksho..kal milte hain
Usi jagah, usi vakt pe, good night.

BHTB, Ek review mera bhi

Main bhi review likhunga....kyon nahi...mera bhi haq banta hai...poore paise diye hain ticket ke....aur poori film bhi dekhi hai.....to lijiye saab, pesh hai...BHTB...ek review...
Aaj bade dino baad theatre me jaa kar (ya humari bhasha me talkies me jaa kar ) film dekhi. Why bade dino baad ? because aaj kal jo movie aa rahi hain, aur jo multiplex ke charges hain, yeh dono match nahi karte..yes …although I am all for ‘no piracy’ and stuff but boss it’s MY hard earned money…anyway.

Today I decided to watch BHTB with my 6 yr old daughter. I was supposed to baby-sit her. (No she’s not a Big B fan… she’s a Salman fan but that’s a different story). So here I was, all set to watch BBuddha (what’s with the spelling… numerology?? … oh god! not again…not big B..please.) Ticket ke liye laaaaambiiii line...hmmm... watching posters to while away the time…expectations soaring…finally got the tickets…ran towards the screen … my daughter refused to enter the hall ..kya hua??… ooops!! I forgot !! how could I??...Popcorn please…”saar,  would u like to take the combo offer….. WHAT …???!!!! ..#@$%^…beep beep…yes! Can u make it fast..please… Armed with a tub of popcorn and 2 soft drinks, some fries, nuggets.....all that, I entered… “aye battery” (seriously wanted to shout) …but the fellow came to me instead…showed me the seats..well …where do you keep all this stuff… “keep it on your lap daddy…I’ll take it when I want”…OK baby…ssshhhhshhh… “its national anthem….stand up”…It was a sight, trying to hold everything in my hands and standing upright for the national anthem…
Aahhh!  That same old certificate where you struggle to see the movie name…its so nostalgic…but hey where are the trailers???? What no trailers…gimme my money back…. Oh its started…baby now keep quite. I want to see the movie and want to hear the dialogues..Its a Big B movie u know. You mean Bhootnath daddy…Yeah  yeah,  bootnath…kya yeh aajkal ke  bachche bhi… Ok shush now.
Yeah!! Intervel....SAMOSA time...talkies me jakar samosa nahi khaya to kya kiya...
And then, its over…ooh!!  sorry,  I forgot this was supposed to be a movie review…Okay  here goes…. It was a Big B movie. It started with Big B and ends with Big B…at 69 or almost 70 whatever he did only he can do it…I don’t think anyone of today’s star can pull off a feat like that …. the same old persona, the same old larger than life screen presence, the baritone, the style, acting, action and dance …its all there…still there… it’s enough  for his fans. Even now he is capable of pulling a film like this on his (old) shoulders… I didn’t like the film… I was disappointed with some of the actors (especially Ravina Tondon)  what was she doing??  Another big disappointment was Makarand …what a complete waste… The villain or the actor in a negative role…whatever his name is…it seems that he came out from the sets of WANTED and walked straight into this film….ridiculous…..besides Big B the only saving grace was Hema Malini…maaaan she is something…those two young actress whatever their name is,  can surely learn a thing or two from the lady… I kind of liked the Goon “Tedha” with a sixth sense… Sonu Sood was good..this guy has potential…and yes I like “beep beep”…”ek to isse meri zabaan gandi nahi hoti aur saamne wale ki beep beep ho jaati hai.”
The songs were good. Specially “Haale Dil”. Go Meera go... Parody/ medley was also nice. So all in all an ok FILM… Mr. Director, you better do a good job next time…maybe you had something else in your mind when you started with this project and maybe there was some pressure on you … but eventually you will be blamed.  So go and ask for Jagannath from Puri ‘s blessing  for the next project. FIVE STARS for BIG B...one and half for the movie....:)...there ..job done.

On our way back my daughter asked me “Daddy, why was he saying  “Buddha hoga ter baap” through-out the movie???”  Ummm.......actually ....…u know…......well, l I don’t know.

crohit72's photostream

crohit72's photostream on Flickr.

Pehle to usko pairon tale ronda

Fir uska gala ghonta  gaya

Uski aankhe fodne ki koshish kari

Haath paanv kaat kar dhad se alag kar diye

Aisi avastha me bhi  Uspe baar baar balatkaar hua 

Tezaab daal kar jalane ki koshish bhi ki

Yeh kambakht itna besharam hai

Ki fir bhi nahi marta, na hi tutata hai

Fir dil me jagah bana leta hai

Fir jee uthata hai

Kaisi cheez banayee hai uperwale ne

Ise kis kambakht ne naam diya hai – “BHAROSA”

Koi ise “Vishwaas” kehta hai, koi..”trust”

Bada besharam hai saala, marta hi nahi

....

Marvaa zaroor deta hai...

Darr

Tumhe kho dene ka dar,
Kyon lagta hai is kadar,

Ke manzoor hai mujhe,
Ranjo-gam me bhatakna dar badar.

Tumhare honto pe kisi aur ka aaye naam,
to dil me chubhta hai ek khanjar,
Lagta hai vakt ne fir baazi maarli
ek tedhi chaal chal kar,

Tumhe kho dene ka dar, kyon lagta hai is kadar,

Tumhari chahat ne bana diya hai
kamzor is kadar,
ke ab is baat se dil jata hai dar,
Na jaane kab chali jayegi yeh
khushi mujhe chod kar,

Tumhe kho dene ka dar, Lagta hai is kadar...

Ek 'QUARTER' khushi, 

ek SODA hansi, 

thodi masti maarke CHAKHNA.. 

Bas aur kya chahiye....

life ban jayegi...

Bojhil si thaki si aankhe veeraan hai..

Ashk bhi saale be-imaan hain...

be vakt tapak jaate hain..

Krishna Series

some new work

Jindagi excell sheet ki rows and columns me kahin kho si gayee hai,
Rishte kisi formule me aise atake hain ki,
Uljhane multiply ho rahi hain
aur Khushiyan divide ho rahi hain.
Muskurahat ka column hide ho gaya hai.
Kambakht 'undo' ka option bhi kaam nahi kar raha..
vaise bhi asal zindagi me ctl+Z kaam nahi karta...
Strategy, target, expenses naamak ajnabee se shaks
aaj saath me uth baith rahe hain....
Work life balance kya hota hia mujhe nahi pata
office walon ne laptop aur blackberry namke do pehredaar
mere peeche laga rakhe hain jo mere ghar me bhi ghus jaate hain
Ooparwala mujhe kisi poorane se joke ki tarah bhool gaya hai
aur sala vakt mere maze le raha hai....
Abey, bachche ki jaan loge.

Maazi

Maazi ne ek phoonk maari,
to zindagi ki dairy se jaane kitne fasaane
sukhe gulab ki tarah bikhar gaye.
dil ke tadakhne ki awaaz aayee aur
manzar toot kar aankh me chubh gaya...
surkh se ashk aankh se dhuan ban kar nikalne lage...
aankhon ne jo dekha use dil ne thukra diya....
haathon me haath tha ..
magar kisi aur ka saath tha...
nazaren haya se jhuki thi ya sharmsaar pata nahi...
shaayad abhi bhi dil ko kone me chipi ulfat ka takaza tha...
ikraar ne inkaar ka naqab odh rakhta tha ya
yeh sirf meri khush-fehami thi..
pata nahi jo bhi tha ab yeh aalam hai ki -
"us raat main do baje tak piya...."...
.....
..
lekin subhah koi aur nahi aayee...

Shaam chugali kar rahi hai,
Raat se sautan ki tarah jhagad rahi hai,
Subah alhada si, akeli baithi hai,
Dopahar to vaise bhi mujhse khafa hai,
Kis kis ka saath doon,
Kahan se nikalun vakt
24 ghante kam padte hain...

Karyeshu Dasi, Karaneshu Manthri; Bhojeshu Mata, Shayaneshu Rambha; Roopeshu lakshmi, Kshamayeshu Dharitri; Satkarma Nari, Kuladharma Patni......(Translation - Works like a servant, Advises like a minister, Feeds like a mother, makes love like a nymph, is as beautiful as Lakshmi, and forgiving like the earth.)
Happy Woman's day!!

Taareekh

“Tareekh ….Tareekh ….Tareekh…..”

Sunny paaji ne kya kamaal dialogue bola tha

Yeh tareekh ka humara rishta bhi kamaal ka hai

Sabse khaas hai pehli tareekh

Kyonki 15 ya 20 tareekh hote hi

Pehli tarrekh ka intezaar karte hain..

Pehli tareekh agar 5 ya 7 me badal jaye to

tanke udhadne lagte hain (kisi khaas jagah ke)

Najaane kitne roop aur avatar me aati hai yeh tareekh

Angrezi me aaye to Romance bhari hoti hai

‘Kanuni’ aaye to pareshaani bhari hoti hai

Doctor se aaye to dard bhari hoti hai

Interview lekar aaye to armaano bhari hoti hai

Bank se aaye to tension bhari hoti hai

Varmala le kar aaye to Janmon ke vaade bhari hoti hai

Exam le kar aaye to paseene bhari hoti hai

Result lekar aaye to …uff!! mat poocho yaar

Aur jab Aakheeri aati hai to

Kilkaari se khaali thahakon tak ke

safar ka manzar

aankho ke saamne ghuma deti hai

Tab lagta hai yeh tareekh kyon aati hai

Thoda aage kyon nahi sarak jaati…

Judge Sahab…Ek aur tareekh ..sirf ek aur…..

Ek aam shehri ki bhadaas

“Ban karo”
Kya naara diya hai aaj ke netaon ne

‘Sach ka saamna’ nahi kar sakte
Ban karo

Hindu devi devta jo nirvikaar hain
Unhe aakar diya vo bhi nirvastra..
Budhaape me yeh kalaakaar sathiya gaya hai
Ban karo

Kisi thikaane pe balaayen thrikati thee
Bachcho ko bigaadthi thi
Unhe vahan se hatao
Sadakon pe utaro
duniaya ke sabse poorane vyapaar me basao
aur unke thikane
ban karo

ek aam shehri naasamajh hai
buddhu bakse (Idit box) me kya dekhna, kya nahi - use samajh nahi
samaaj ke thekedaar samjhayenge
varna
Ban karo

Garib majdoor auraten khule me nahati hain to chalta hai..
duniya ghoor ghoor ke dekhti hai to chalta hai..
firangi, tasveer lete ha into chalta hai
vo to Indian culture hai
magar kuch naamcheen hastiyan (celebrities) khule me nahati hai
hume “netra-sukh” pradaan karti hain
mat dekho
ban karo

'kaminey' shabd se aitraaj nahi
teli kaha to bhavnao ko thes lagi
Ban karo

Balika vadhu se kahin aap prerit na ho jao,
aur apne nanihalon ko bachpan me hi vida kardo
Ban karo

“Internet ki Bhabhi” ki baat karunga to mere blog ko hi
Ban karo

Pata nahi kyon, Kishor-da ke ek geet ki kuch panktiyan yaad aati hain –
“Humko jo taane dete hain hum khoye hain in rang-raliyon me,
Humne unko bhi chup chup ke aate dekha in galiyon me…”

Lekin sach ka saamna hum nahi kar sakte islye
is ‘sach’ ko bhi
Ban karo

“Once upon a time long long ago…”

Laash

Tad tad karke uski lash ko jalate dekh,

Man me ek ajeeb se pashvik anand ki anubhooti hui

Uski jalti lash se ek durgandh phail gayee thi

Vo saatvan tha..

Pehle teen to bina tadpe mar gaye

Panchva jo tadpa to dekh maja aaya..

Arey chate me abhi bhi jaan hai...

yeh le ..yeh le..

Kamal cheez banayi hai yeh “Racket” bhi

Raat bhar khoon choosa tha kambakhton ne