Zindagi

Kuch saal pehle Zindagi ko ek hansi mod par chod aaya tha..
kuch arsa pehle fir usase mulkaat ho gayi
shayad kismat ke raaste ghoom fir kar
unhi mod pe baar baar le jaaten hain

jaise hi nazaren mili..
vakt tham gaya..
dil ki dhadkane tez ho gayee...
samajh me nahi aa raha tha kya kahen ..
kuch bhi to nahi badla tha usme vo jaisi thi vaise hi lag rahi thi...

Ya shayad bahot kuch badal gaya tha..

hanh Ankhe vohi thi..muskaan vohi thi...

ya fir muskaan aankho me chipi
udaasi par parda daal rahi thi..
lag raha tha ..
ki vakt ke saath saath..
halaton ke saath kayeen samjhote kiye hai usne..

Umra ki jhurrriyan..
mathe ki shikan bani hui thi
An-kahe shabd na jaane
kitni kahaniyan suna rahe the

baaten to hum kar rahe the magar
uski koi zaroorat hi nahi thi...

Aankho hi ankho me na jaane kitne
kisse kahe -sune ja rahe the

Badi himmat karke jab uske haath pe haath rakha to laga
ki agar kahi jannat hai to bas yahi hai

magar in sab ke bavajood...
aaj bhi vo kammaal ki lag rahi thi
haalaat se ladte ladte..
us aag me tap kar kundan ban gayee thi..

Akhir meri zindagi hai vo..
kisi aur ki amaanat hi sahi
magar itna to haq hai mujhko ki
main kah sakun
ki Hanh, vo MERI zindagi hai
aur mujhe naaz hai us par
Jitni mohabbat hai mujhe usase
utna hi fakra hai mujhe us par